Presidenti rus Vladimir Putin ka urdhëruar forcat e tij për armëpushim 36-orësh në Ukrainë.
Sky News shkruan se Putin ka udhëzuar ministrin rus të Mbrojtjes që të pezullojë çdo sulm gjatë Krishtlindjeve Ortodokse. Ky armëpushim do të zbatohet nga mesdita e 6 Janarit deri në mesnatën e 7 Janarit.
Shumë të krishterë ortodoksë, përfshirë ata që jetojnë në Rusi dhe Ukrainë, festojnë Krishtlindjet në 6 deri në 7 janar.
Një deklaratë zyrtare nga Kremlini të postuar në aplikacionin Telegram thuhet: “Udhëzimet e Presidentit të Federatës Ruse për Forcat e Armatosura të Federatës Ruse.
Duke marrë parasysh apelin e Shenjtërisë së Tij Patriarkut Kirill, udhëzoj Ministrin e Mbrojtjes së Federatës Ruse që nga ora 12:00 e datës 6 janar 2023 deri në orën 24:00 të datës 7 janar 2023, për një armëpushim në të gjithë vijën e kontaktit ndërmjet palët në Ukrainë.
Duke u bazuar në faktin se në zonat e luftimit jetojnë një numër i madh qytetarësh që janë ortodoksë, ne i bëjmë thirrje palës ukrainase të shpallë armëpushim dhe t’u japë atyre mundësinë të marrin pjesë në shërbesat në prag të Krishtlindjeve, si dhe në Ditën e Lindjes së Krishtit”.
- Nga Musolini e Lef Nosi, te Enver Hoxha, Maks Velo e Sudja, Ben Blushi zbulon 100 personazhet e romanit “Historitë e çmendura të Tiranës” - 04/11/2026
- Figurat bullgare të rilindjes kombëtare – arkitektët e lindjes evropiane - 02/11/2026
- Ndezje flakadanësh e thirrje për dhunë, ‘Etika’ përjashton me 10 ditë Berishën! Me 60 ditë 5 të tjerë - 30/10/2026