Mes tensionesh dhe debatesh të forta mes opozitës dhe mazhorancës, Mariana Semini është zgjedhur anëtare e Gjykatës Kushtetuese. Asnjë prej tre kandidatëve nuk ka mundur të sigurojë shumicën e cilësuar të votave, dhe në këtë kuadër kandidati i renditur i pari nga Këshilli i Emërimeve në Drejtës, Mariana Semini është emëruar anëtare e Gjykatës Kushtetuese. Semini ka siguruar 58 vota, Ardian Dvorani 14 vota dhe Arta Vorpsi 2 vota.
Seanca e së enjtes është shoqëruar me debate të forta, kjo pasi opozita akuzonte socialistët se po manipulim proces për emërimin e anëtarit të Gjykatës Kushtetuese, duke e bërë me votim të fshehtë në mënyrë që të ‘peshkonin’ vota për Ardian Dvoranin.
Debatet e forta u zhvilluan mes kryeministrit Edi Rama dhe deputetëve demokrat Gazmend Bardhi dhe Enkelejd Alibeaj, duke përfunduar në përjashtimin e Bardhit nga seanca parlamentare me urdhër në nënkryetares së Kuvendit, Ermonela Felaj.
Nga ana tjetër votimi për Avokatin e Popullit u shty për në seancën e radhës të Kuvendit, sepse asnjë prej kandidatëve nuk arriti të siguronte 84 vota.
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026
- Raporti Rama-Meloni, politikani italian: Është një raport motër-vëlla, mes Italisë dhe Shqipërisë - 17/03/2026