Ministri i Brendshëm i Kosovës Xhelal Sveçla po mban një konferencë për shty, ku mes të tjerash foli në lidhje me situatën e tensionuar në veri të vendit dhe barrikadat e vendosura nga serbët.
Ai tha se pritjes për t’i tërhequr barrikadat nga KFOR-i po u vjen fundi.
“Presim që sa më parë të veprohet nga KFOR-i. U bënë 13 ditë dhe situata mbetet e njëjtë e madje është rënduar. Nëse kjo nuk ndodh, kemi kapacitete për ta bërë vetë”, tha ministri.
Sveçla u shpreh se shkak i tensioneve në veri ka qenë propaganda serbe.
“Një e pavërtetë që po përdoret është se Policia e Kosovës ka lista për të arrestuar persona të caktuar. Ne nuk kemi lista. Lista ka pasur Serbia e cila e ka vrarë edhe Oliver Ivanoviçin”, tha ai.