Policia amerikane ka arrestuar një grua e cila dyshohet se ka tentuar që të grabisë dhuratat që ishin vendosur poshtë pemës të Krishtlindjes në shtëpinë e aktorit Robert De Niro.
Efektivët e policisë e kanë pikasur gruan teksa hynte në bodrumin e ndërtesës së tij në qytetin e New Jorkut. Sipas mediave të huaja, aktori 79-vjeçar zbriti në katin e poshtë pasi dëgjoi disa zhurma.
Një burim pranë aktorit tha se ai ishte mirë dhe se nuk kishte asnjë koment në lidhje me ngjarjen. Mësohet se ngjarja ndodhi në një shtëpi që ai kishte marrë me qira. Një zëdhënës i policisë së Nju Jorkut tha se oficerët e ndoqën gruan në apartament, ku e kapën gruan në dhomën e ndenjes teksa ajo përpiqej të fuste dhuratat e marra nga pema në çantën e saj.
30-vjeçarja ishte e njohur për policinë për shkak të një sërë arrestimesh të mëparshme për vjedhje..