Pas editorialit të ditës së sotme ku theksonte se korrupsionit është ai që cënon të ardhmen e Shqipërisë duke këmbëngulur se amerikanët do të qendrojnë këtu për të ndihmuar në luftën ndaj këtij fenomeni, ambasadorja Yuri Kim ka vijuar me mesazhet inkurajuese ndaj institucioneve të drejtësisë.
Në një tjetër reagim në rrjetet sociale, Kim shprehet se presin më shumë rezultate nga SPAK-u gjatë vitit 2023 duke vlerësuar në fakt çfarë ka ndodhur gjatë vitit 2022.
“Kënaqësi të shoh se si SPAK vlerësohet për arritjet e tij gjatë vitit 2022. Presim edhe më tepër arritje gjatë vitit 2023”, shkruan Kim në Tëitter.