Krahas virozave të shumta në këtë periudhë nuk kanë munguar rastet e fëmijëve që janë prekur nga sëmundja ngjitëse e Variçelës, apo siç quhet ndryshe lia e dhenve. Edhe pse kjo sëmundje infektive e ka pikun e saj në dimër, mjekët thonë se ende nuk jemi në shifra alarmante. Aktualisht në Korçë rastet e fëmijëve të prekur nga variçela kanë qënë sporadike.
Në rastet e infektimit të fëmijëve me këtë sëmundje ngjitëse mjekja pediatre Dituri Sulollari në qendrën shendetësore të rajonit nr 1 në Korçë, apelon për izolim të rasteve, pasi kjo parandalon përhapjen e sëmundjes tek fëmijët e tjerë, tek personeli pedagogjik apo pjestarë të tjerë të familjes.
Edhe pse kjo sëmundje infektive e ka ulur virulencën e saj me kalimin e viteve, mjekja Sulollari këshillon prindërit të tregojnë kujdes, pasi ajo mund të japë komplikacione.
Lia e dhenve është një sëmundje që zgjat me ditë e madje edhe me javë. Ajo prek edhe të rriturit të cilët nuk e kanë kaluar në fëmijëri, por shfaq më tepër komplikacione. Kundër kësaj sëmundjeje mund të bëhet vaksina, por ajo nuk është e përfshirë në kalendarin e injeksioneve të detyrueshme në vendin tonë.
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026
- Raporti Rama-Meloni, politikani italian: Është një raport motër-vëlla, mes Italisë dhe Shqipërisë - 17/03/2026