Kancelari gjerman Olaf Scholz dhe kryeministrja franceze Elisabeth Borne vulosën sot një rigjallërim të marrëdhënieve franko-gjermane pas disa javësh mosmarrëveshjesh me një marrëveshje energjitike që synon “garantimin e furnizimit të tyre”.
Ringrohja çoi gjithashtu në nënshkrimin e një ” marrëveshjeje të solidaritetit energjetik ” midis Parisit dhe Berlinit. Kjo marrëveshje parashikon që Franca do të ndihmojë Gjermaninë në dërgimin e sasive të gazit natyror, shkruajnë mediat e huaja. Gjermania nga ana e saj do të mbështesë vendin fqinj duke siguruar furnizimin e tij me energji elektrike .
“Sa më të vështira të bëhen kohët, aq më i rëndësishëm bëhet bashkëpunimi midis Gjermanisë dhe Francës,” tha Scholz në një konferencë të përbashkët shtypi me Borne.
Kryeministrja franceze, për të cilën ishte vizita e parë në Berlin që nga marrja e detyrës, foli për një unitet që dy vendet duhet ta ruajnë përballë sfidave të shumta që ka përballë boshti franko-gjerman
“Miqtë mbështesin njëri-tjetrin në të keqe”, përmblodhi Scholz, ndërsa Bourne foli për një “marrëveshje të rëndësishme që do të ketë pasoja konkrete dhe do të mbrojë qytetarët e të dy vendeve”.