Pas dy ditësh reshjesh intensive, Ministria e Mbrojtjes njofton se situata është normalizuar në qarqet që u prekën nga përmbytjet.
Në një njoftim për mediat, ministria bën me dije se në qarkun e Shkodrës nuk ka prani uji nëpër banesa, teksa thekson se qytetarët janë kthyer në shtëpitë e tyre.
Sipas ministrisë, në Lezhë ka prani uji vetëm në 4 banesa. Forcat e emergjencave civile kanë shpërndarë 450 pako ushqimore për bashkitë Pukë, Vau i Dejës dhe Lezhë.
Ndër të tjera, ministria njofton se akset rrugore në të gjithë vendin janë aktualisht të qarkullueshme.