Ministri izraelit i Sigurisë Kombëtare, Itamar Ben-Gvir, ka publikuar të dielën vonë në mbrëmje një video në të cilën kërcënon të burgosurin e Hamasit, Hassan Salameh.
Video, e ngarkuar në llogarinë zyrtare të ministrit në “X”, e tregon atë duke i folur të burgosurit palestinez, të prangosur në izolim.
“Kur isha fëmijë, dola të protestoja kundër sulmeve terroriste që ti kreve në autobusin e linjës 18, ku u vranë 48 njerëz. Ti vrave fëmijë, gra e burra, si edhe ushtarë, të cilët janë fëmijët e mi. Kur isha fëmijë, dola të protestoja se njerëz si ti duhej të ndëshkoheshin. Sot po e mbyll këtë cikël. Tani që jam rritur, janë ushtarët që i vura kundër teje”.
“Por ky nuk është fundi. Dua të të vras. Dua të të ekzekutoj. Ai që më vrau 48 njerëz, ushtarë, gra, fëmijë e të moshuar, duhet të vritet. Duhet të vritet, dhe më pas të shkojë në ferrin që e pret. Po të them: ferr. Ti mendon se atje do të ketë virgjëresha? Do të shkosh në ferr. Unë jam përgjegjës për ferrin tënd, dhe shumë mirë që e ke një ferr”, është shprehur ministri izraelit i Sigurisë Kombëtare, Itamar Ben-Gvir.
Salameh është një anëtar i lartë i Hamasit, i burgosur në Izrael që prej vitit 1996 për përfshirjen në sulmet vdekjeprurëse me bomba në Jeruzalem, përfshirë sulmet ndaj autobusit të linjës 18, të cilat Salameh kishte ndihmuar t’i planifikonte.
- VIDEO/ “Unë jam përgjegjës për ferrin tënd”, ministri izraelit i Sigurisë Kombëtare kërcënon të burgosurin palestinez: Fundi yt është… - 28/09/2026
- “Ne këtu gjejmë arsye shpesh për debat, por biem dakord vetëm për…”, Rama mesazhe të qarta BE-së: Nëse lini Shqipërinë në baltë, do jetë dështimi juaj më i madh - 28/09/2026
- “Specialja kriminalizoi procesin!”- Analisti kosovar paralajmëron: Pa ikur Kurti nga pushteti, beteja në Hagë është e humbur! - 28/09/2026