Një kirurg plastik danez i ka propozuar kryeministres së Danimarkës, Mette Frederiksen, që të ndërhynte estetikisht në hundë, përmes një mesazhi të drejtpërdrejtë në Instagram.
Mesazhi, i shkruar në një ton tepër informal, iu drejtua kryeministres lidhur me një pikë në hundën e saj. “Ta rregullojmë atë pikën në hundë?”, i shkroi kirurgu, identiteti i të cilit nuk është bërë publik.
Frederiksen vendosi të mos e lërë mesazhin pa përgjigje. Ajo e publikoi në rrjetet sociale dhe iu përgjigj publikisht kirurgut.
“Jam e kënaqur me trupin tim dhe sigurisht nuk kam nevojë që një kirurg plastik burrë të ketë një opinion për këtë!”, shkroi ajo.
Historia ka tërhequr vëmendje pikërisht për mënyrën e drejtpërdrejtë me të cilën Frederiksen iu përgjigj një sugjerimi për pamjen e saj, duke e kthyer një mesazh privat në një deklaratë publike për pranimin e trupit.
- Kush e mori Bashkinë e Tiranës? Vendimi i Veliajt për Ristanin hap debatin mbi drejtimin real të kryeqytetit - 28/08/2026
- Zbulohet çfarë u ka kërkuar Rama drejtuesve politikë dhe ministrave: Pasqyra Albania të jetë ligj për të gjithë - 28/08/2026
- Zv.kancelari gjerman i bën thirrje presidentit Trump: Përfundojeni këtë luftë të pakuptimtë me Iranin, pasojat e saj po i vuajmë te karburantet - 28/08/2026