Kaos dhe panik në ajër gjatë një fluturimi të “Batik Air”, nga Kuala Lumpur, Malajzi për në Kochi, Indi.
Një pasagjer 36-vjeçar shkaktoi një incident të rëndë duke u përpjekur të shkelte daljen e emergjencës ndërsa avioni ishte në 30,000 këmbë.
Shtetasi indian 36-vjeçar, Jamsheer Athanikkal, i cili punon në sektorin e mikpritjes, sipas “Daily Mail” dyshohet se dëmtoi panelin mbrojtës të dritares së daljes.
Kur pasagjerët dhe anëtarët e ekuipazhit ndërhynë për ta ndaluar, ai i kërcënoi ata.
Ndërhyrja e pasagjerëve pranë ishte vendimtare. Ata arritën ta ‘çarmatosnin’ dhe ta neutralizonin atë, duke përdorur lidhëse me zinxhir.
Pamjet e publikuara nga kabina tregojnë kaosin që mbizotëronte, me gërvishtje të dukshme në sipërfaqen e dritares.
Përpara incidentit, 36-vjeçari kishte thënë se po udhëtonte për në shtëpi për të parë fëmijën e tij të porsalindur. Mësohet se ai ka pretenduar se në ato momente fluturimi donte që të vdiste.
