Temperatura deri në 33 gradë, çfarë parashikon moti për këtë të diel

Kjo e diel do të jetë me temperatura të larta dhe diell, i cili do të jetë prezent në të gjitha territoret e Shqipërisë.

Moti parashikohet i kthjellët në pjesën më të madhe të ditës, ndërsa në male do të ketë vranësira mesatare gjatë pasdites.

Temperaturat këtë mëngjes u regjistruan 20 gradë Celsius, ndërsa gjatë ditës pritet të arrijnë deri në 33 gradë Celsius.

Era do të fryjë me shpejtësi mesatare 7 m/s, duke krijuar në brigjet detare dallgëzim të forcës 2 ballë.