Pamjet e arrestimit pak pas mesnate të kandidatit të koalicionit opozitar në Bashkinë e Himarës Fredi Beleri u përhapën shpejt në rrjet. Së bashku me të, Policia e Vlorës shoqëroi avokatin e tij si dhe dy bashkëpunëtorë të shtabit elektoral të Belerit.
Sipas të dhënave të policisë së Vlorës, arrestimi i Belerit, është bërë pasi ka konsumuar veprën penale të korrupsionit aktiv në zgjedhje, parashikuar nga neni 328 i kodit penal. Se bashku me Belerin policia ka arrestuar edhe bashkëpunëtorin e tij Pano Kokoveshi për të njëjtën akuzë, ndërsa avokati u lirua disa orë pas shoqërimit.
Sipas policisë Beleri dhe Kokoneshi kane premtuar dhe dhënë shuma monetare me qëllim blerjen e votës. Ndërkohë disa nga personat e pyetur nga Policia e Vlorës kanë pranuar se u ishin premtuar lekë në këmbim të votës.
Sipas kompetencës së parashikuar në ndryshimet e reja të kodit të procedurës penale në vendin tonë, hetimin e mëtejshëm ndaj kandidatit të koalicionit opozitar në Himarë, Fredi Beleri do ta zhvillojë SPAK, që ka autorizimin për hetimin e krimeve zgjedhore. Ndërsa pritet transferimi i tij por edhe i dosjes penale në Tiranë.
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026
- Raporti Rama-Meloni, politikani italian: Është një raport motër-vëlla, mes Italisë dhe Shqipërisë - 17/03/2026