Këtë javë rifillojnë ndeshjet e kampionatit kombëtar të volejbollit të femrave. Skënderbeu të shtunën luan në kryeqytet përballë Tiranës, skuadër e cila ashtu si korçaret kërkon titullin kampion.
Kjo edhe për trajnerin Orlando Koja e bën të vështirë ndeshjen e transfertës ashtu siç e bën të tillë edhe fakti se Tirana në merkaton e dimrit është përforcuar me dy lojtare të huaja.
Megjithatë Koja ka mendimin se Skënderbeu duke qënë skuadra e vetme e formatuar që në fillim të sezonit, mbetet ekipi më i avantazhuar për titullin kampion. Gjithsesi Skënderbeu, Partizani, Tirana, e Vllaznia janë skuadrat që do të luftojnë per titullin kampion këtë sezon.
Koja shkon më tej kur thotë se ky rivalitet i shërben rritjes cilësore të voljebollit shqiptar.
Skënderbeu i këtij sezoni për trajnerin Orlando Koja është i ndërtuar për të fituar të gjitha trofetë. Pas rezultateve pozitive në Kupën e Shqipërisë dhe Ligën “Gjergj Katrioti” Skënderbeu në volejboll për femra po bëhet gati për rifillimin e kampionatit dhe mbrojtjen e titullit kampion.
