Qytetarët e Rrogozhinës do të zgjedhin sot drejtuesin e ri të bashkisë. Gazetari Leonidha Musai raporton për ABC News se ka nisur procesi i votimit.
“Sipas informacioneve që vijnë nga 55 qendrat e votimit ka nisur gjithçka në rregull dhe procesi i votimit po vijon normalisht. Pritet që në orët e para të mëngjesit të ketë një fluks pasi temperaturat e larta bëjnë që në mesditë të ketë pjesëmarrje disi më të ulët”, raportoi gazetari.
Në garë janë Edison Memolla nga Partia Socialiste dhe Shkëlqim Hoxha nga koalicioni “Bashkë Fitojmë”, që mbështetet nga dyshja Meta- Berisha.
Ndryshe nga 14 maji, qytetarët do të kenë vetëm një fletë votimi, atë për kryebashkiakun. I pari në fletën e votimit do të jetë i renditur kandidati socialist Edison Memolla dhe numrin 2 do ta mbajë Shkëlqim Hoxha.
- Cili do ta fitojë i pari luftën, Bordi i Paqes apo Bordi i Transparencës?! - 31/03/2026
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026