NATO po shqyrton për herë të parë mundësinë e një goditjeje parandaluese kundër Rusisë, si përgjigje ndaj sulmeve hibride që Moska po kryen ndaj vendeve anëtare.
Lajmi është konfirmuar nga admiral Giuseppe Cavo Dragone, kreu i Komitetit Ushtarak të Aleancës, në një deklaratë për Financial Times, duke shënuar një kthesë të pazakontë në mendësinë strategjike perëndimore.
Sipas gazetës, disa diplomatë të Evropës Lindore po kërkojnë që NATO të mos mjaftohet më me “shprehje shqetësimi”, por të japë një reagim të prekshëm dhe proporcional ndaj provokimeve ruse.
Dragone pranoi se veprimet parandaluese mund të konsiderohen si vetëmbrojtje në rrethana të caktuara, por nënvizoi se një qasje e tillë “shkon përtej mendimit tradicional”.
Ai shtoi se Aleanca duhet të marrë në konsideratë veprim të vendosur: “Ndoshta duhet të veprojmë më agresivisht se kundërshtari. Pyetjet që mbeten janë të natyrës juridike dhe të kompetencave: kush do ta kryejë një goditje të tillë?”.
Tensionet e shtuara brenda NATO-s pasqyrojnë shqetësimin në rritje se sulmet hibride të Rusisë mund të rrezikojnë sigurinë kolektive dhe të kërkojnë një qasje më të ashpër se deri më tani.
- Kujt pritet t’ia japin votat zgjedhësit në bashkitë që do të zgjerohen - 08/10/2026
- Kuvend dhe protestë! Çfarë pritet të ndodhë sot, Parlamenti në rend dite Territorialen dhe 4 interpelanca, Opozita kundër Reformës! - 08/10/2026
- Dyshime se Rusia po përdor Murtajën si një armë biologjike, Trump: Do ta zbulojmë së shpejti, thonë se situata është nën kontroll! - 08/10/2026