Lionel Messi tremb Argjentinën. 17 ditë nga nisja e Botërorit për skuadrën nga Amerika Latine, kapiteni dhe ylli i ekipit vuan një dëmtim në “tendinën e Akilit”. Messi nuk do jetë nesër në fushë për PSG, me kampionët e Francës që luajnë me Lorient në transfertë.
Stafi i Argjentinës është gjithë sy e veshë nga Parisi, me mediet në Francë që tregojnë se PSG e ka lënë pushim Messin për mos rrezikuar një dëmtim më të rëndë. Duket se lëndimi nuk është i rëndë, me “Pleshtin” që do rikthehet në stërvitje javës tjetër, për të marrë minuta në ndeshjen e radhës me Auxerre.
Trajneri i Argjentinës, Lionel Scaloni ka marrë kontakte me lojtarin për ta pyetur për gjendjen fizike, me numrin 10 që Botërorin e ka eventin e fundit të madh me fanellën Albiceleste. Veç Katarit, Argjentina në gupin e Botërorit ka kundërshtarë Meksikën dhe Poloninë.