6 janari shënon Ditën e Ujit të Bekuar për besimtarët ortodoksë, si një nga ngjarjet më të rëndësishme fetare të këtij komuniteti.
Ceremonia e kësaj dite të shenjtë filloi që prej mëngjesit tek Katedralja “Ngjallja e Krishtit”, me mbajtjen e meshës së rastit dhe me bekimin e ujit. Më pas Mitropoliti i Korçës, Imzot Joan Pelushi me kryqin në dorë dhe tingujt e kambanave përshkoi rrugën drejt shatërvanit në lulishten “Vangjush Mio” nga ku bëri hedhjen e kryqit në ujë.
Edhe pse temperaturat kanë qënë të ultëta të rinjtë, mes të cilëve edhe një vajzë nuk kanë nguruar të hidhen në ujin e shatërvanit për të kapur kryqin, simbolin e kësaj dite.
Kryqi u gjet nga i riu Ervis Rakipi, i cili nuk e ka herën e parë që garon për të kapur kryqin në një ditë të bekuar si kjo.
Pjesë e ritualit të Ditës së Ujit të Bekuar janë bërë qindra besimtarë ortodoksë të cilët kanë përcjellë edhe urimet e tyre në këtë ditë të bekuar.
Pas hedhjes së kryqit besimtarët ortodoksë mbushën shishet me ujin e bekuar në shenjë mbarësie për familjet e tyre.
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026
- Raporti Rama-Meloni, politikani italian: Është një raport motër-vëlla, mes Italisë dhe Shqipërisë - 17/03/2026