Ukraina vijon të mohojë lajmet se është ajo që fshihet pas sulmit të një dite më parë të urës së Krimesë. Konfirmimi vjen për mediat e huaja nga këshilltari i presidentit Zelensky, Mykhailo Podolyak.
“Shpërthimi në të ashtuquajturën urën e Putinit, sipas mendimit tonë është një operacionin i brendshëm i shërbimeve sekrete ruse”, sqaroi Podolyak, duke shtuar se “të gjitha operacionet, si vrasja e vajzës së Dugin, shpërthimet në gazsjellësit e Nord Stream dhe shpërthimi në urën Kerch mbajnë firmën ruse”.
Ndërkohë Rusisë nuk i del e keqja me Shtetet e Bashkuara të cilat sipas autoriteteve në Kremlin vijojnë të furnizojnë me armë të rënda, të dhëna sekrete nga satelitët apo dhe këshilla për të vijuar aktet e dhunës ushtrinë ukrainase.
“Të gjitha këto e përfshijnë në konflikt. Shumë ekspertë perëndimore vlerësojnë se SHBA po zhvillojnë një ‘luftë me prokurë’ me Rusinë në Ukrainë”, u shpreh diplomati i ministrisë së jashtme ruse, Alexei Polishchuk në një intervistë për TASS.
