Zëvendës kryeministrja dhe ministrja e Infrastrukturës dhe Energjisë, Belinda Balluku inspektoi punimet në nënstacionin elektrik të Lushnjës, një investim prej 60 mln lekësh për të rritur kapacitetet dhe sigurinë e furnizimit me energji elektrike të zonës së Lushnjes dhe Divjakës.
““Ne do të vazhdojmë me të gjitha investimet tona. Po diskutojmë prej kohësh se si mund të ndihmojmë të gjitha bizneset që sot kanë dalë në treg të lirë. Kjo situatë, kur pjesa më e rëndësishme ka të bëjë me uljen e humbjeve. Duhet një strategji e mirëfilltë për 2023, duke pasur parasysh vështirësitë, të mbrojmë abonentët nga rritja e çmimeve, kërkesën për uljen e humbjeve, duhet të gjejmë një zgjidhje si të vazhdojmë investimet ndërprerja e energjisë nuk është opsion për qeverinë”, u shpreh ajo gjatë inspektimit.