Një grup oficerësh ushtarakë në Guinea-Bissau kanë marrë kontrollin e vendit, ndërsa raportimet e para thonë se presidenti Umaro Sissoco Embaló është arrestuar.
Grushti i shtetit ka shpërthyer pas të shtënave me armë në kryeqytetin Bissau, ku ushtarët shpallën pezullimin e procesit zgjedhor dhe vendosën një shtetrrethim gjatë natës.
Ky zhvillim ka ndodhur në një moment kur vendi po priste shpalljen e rezultateve të zgjedhjeve presidenciale të së dielës, që përfshinin dy rivalët kryesorë, Embaló dhe Fernando Dias.
Pasi u dëgjuan të shtënat në afërsi të pallatit presidencial, burime qeveritare i thanë BBC-së se presidenti Embaló ishte ndaluar.
Më pas, oficerët ushtarakë u shfaqën në televizionin shtetëror dhe shpallën marrjen e kontrollit të shtetit, duke akuzuar politikanët të paidentifikuar për përpjekje për të destabilizuar vendin me mbështetje të një baroni të drogës.
Ata njoftuan mbylljen e kufijve të vendit dhe vendosjen e një shtetrrethimi. Oficerët gjithashtu kërkuan që popullata të qëndronte e qetë, ndërkohë që u ngritën pika kontrolli nëpër të gjithë kryeqytetin.
- Sula flet si Kryeinspektor: Detyrën nuk e quaj privilegj, por përgjegjësi të madhe - 09/02/2026
- Shkëlqim Hajdari merr detyrën si prefekt i Tiranës: Do lë gjurmë për mirë! Mund të jetë posti i fundit që mbaj - 09/02/2026
- Nuk ka më dyshime! Lewis Hamilton dhe Kim Kardashian në një lidhje, shfaqen bashkë në Super Bowl - 09/02/2026