Prej kohësh qarkullojnë thashetheme të kthyera në lajme, për disa figura shumë të njohura të ShowBizz-it shqiptar në ekranin e Top Channel. Rikthehet në skenë Ledion Liço, i cili pritet të zëvendësojë si prezantues Arbana Osmanin në sezonin e ri të Big Brother Vip Albania 3. Kjo lëvizje e papritur nga ana e stafit drejtues duket se ka trazuar ujërat në prapaskenat e televizionit të mirënjohur, ku prej kohësh përflitet për mbyllje programesh e largime të figurave të njohura.
Sa i përket Fan Club-it të BBVA 3 janë shtuar zërat se ish-konkurrentja e edicionit të kaluar Efi Dhedhes do të moderojë këtë sezon të Fan Club. Ish-konkurrentja e edicionit të kaluar u bë pjesë e shtëpisë më të famshme në Shqipëri pas katapultimit nga programi “Përputhen” ku edhe fitoi famën. Por duket se e vërteta është ndryshe.
Nga burime të sigurta brenda Top Channel është dhënë një version tjetër tashmë i konfirmuar sipas tyre. Bëhet fjalë për Fjoralba Ponarin, një nga moderatoret e dashura të programit “Portokalli”. Është konfirmuar tashmë se moderimi i Fan Club këtë sezon i është besuar bukuroshes së ekranit.
Fjoralba e cila ka nisur karrieren e saj si artiste në The Voice of Albania e ka vazhduar eksperiencën e saj në ekran në disa programe të njohura si “E Diell”; “Ora e Tiranës”; “Jeho”; “Më Thuaj Një Dëshirë” dhe prej dy vitesh tashmë në tempullin e humorit “Portokalli”.
Duket si një rikthim i dyshes Liço-Ponari, kjo pasi vetë Ledioni e ka bërë pjesë Fjoralbën në edicionin pasues të The Voice of Albania, ku ka vazhduar më tej karrieren e saj, në programe të ndryshme.
- Sula flet si Kryeinspektor: Detyrën nuk e quaj privilegj, por përgjegjësi të madhe - 09/02/2026
- Shkëlqim Hajdari merr detyrën si prefekt i Tiranës: Do lë gjurmë për mirë! Mund të jetë posti i fundit që mbaj - 09/02/2026
- Nuk ka më dyshime! Lewis Hamilton dhe Kim Kardashian në një lidhje, shfaqen bashkë në Super Bowl - 09/02/2026