ChatGPT ka sjellë një revolucion shumë të madh në botën e teknologjisë. Ky program ka gjeneruar mbi 1 milion përdorues në vetëm një javë dhe e ka ndryshuar plotësisht mënyrën se si ne përdorim teknologjinë. Duket sikur AI (inteligjenca artificiale) është në krye të botës për momentin dhe në nëse mendoni se doli thjesht nga hiçi, gaboheni sepse pas gjithë kësaj ndodhet një kompani tjetër që ne e njohim shumë mirë dhe mesa duket ka pritur këtë moment për vite me rradhë dhe kjo do t’i bëjë ata fituesit e vërtetë të betejës për AI (inteligjenca artificiale). Bëhet fjalë për Microsoft i cili ka investuar miliarda dollarë dhe ka “tërhequr” telat prapa skenave prej vitesh.
Tani ata janë gati të shpallin një marrëveshje gjeniale prej 10 miliard dollarësh me openAI që mund të të jetë marrëveshja teknologjike e shekullit dhe nëse ia dalin, do të kthejnë në “pluhur” kompani lider në fushën e kërkimeve si Google.
Fundja kur dikush ka një shans real për t’i rrëzuar nga froni si mbretërit e kërkimit, pse mos ta bëjnë.
Arsyet kryesore pse Microsoft po kalon nga një kompani e mërzitshme që prodhon software në një kompani lider në fushën e AI është sepse në në 2019, CEO i Microsoft Satya Nadella vendosi të investojë 1 miliard dollarë në openAI, e cila në atë kohë ishte thjesht një laborator i vogël kërkimi i AI, por gjëra të tilla si GPT për fëmijë ose AI (inteligjenca artificiale) ende konsideroheshin fantashkencë. Askush nuk mund ta parashikonte se në vetëm tre vjet do të arrinim në pikën ku jemi sot, ku sistemi shkollor po përpiqet të kuptojë se si të përballet me inteligjencën artificiale.
Pjesa gjeniale e marrëveshjes që Microsoft bëri me openAI në 2019 ishte ajo pjesë, ku një miliard dollarëshi që Microsoft pagoi ishte i përkthyer në kredit në Cloud dhe ky është çelësi i gjithçkaje, për të kuptuar se sa e rëndësishme është kjo, duhet të kuptoni se kostoja më e madhe e funksionimit dhe drejtimit të një modeli të AI është sasia e shumtë e fuqisë kompjuterike që kërkon dhe nuk është për t’u habitur që ky është shpenzimi më i madh që ka çdo kompani e AI dhe ze vend fakti që furnizuesi i dytë më i madh i informatikës Cloud në botë është Microsoft, pra në thelb, ishte një lëvizje gjeniale nga gjigandi i Software-ve, gjithashtu shpenzimi tjetër më i madh është fuqia kompjuterike që vet Microsoft e ofron, në thelb ata po jepnin para për të hapur AI.
Vlen të theksohet se këto ditë është njoftuar se Microsoft dhe OpenAI po punojnë për një marrëveshje prej 10 miliard dollarësh dhe nëse kjo arrihet, ajo mund të jetë fare mirë marrëveshja më gjeniale e teknologjisë në historinë e teknologjisë. Kjo kontratë në vetvete nxjerr padyshim fitues Microsft pasi përveç faktit që do zotërojnë 49% të OpenAi, Microsoft do marri dhe 25% të fitimeve deri në momentin që do likujdohen 10 miliard dollarët.
Në këto kushte dukshëm punonjësit e këtyre kompanive do kenë fitime kolosale por a është ky qëllimi i vërtetë për të ardhmen?
Patjetër që paratë janë të rëndësishme dhe marrëveshjet midis palëve për këtë arsye lidhen në pjesën dërrmuese të rasteve por kur flasim për këto nivele paraja kalon në plan të dytë. Teknologjia është e ardhmja, për këtë arsye lufta konsiston në implementimin e ideve të cilat janë inovative dhe që i lehtësojnë jetën njeriut.
AI (inteligjenca artificiale) pikërisht për këtë arsye aktualisht ka thyer rrjetin pasi është i thjeshtë, i shpejtë dhe të plotëson shumë nevoja për një kohë të shkurtër, në raport me Google i cili është një “motor kërkimi” por jo aq i shpejtë pasi duhet më shumë një klikim për të marrë një informacion, gjë që me AI është e mundur.
“Ringjallja” e Microsoft pas 20 vitesh, ka luhatur seriozisht pozitat e Google si motorri kryesor i kërkimit online dhe viti 2023 do jetë një tregues shumë i fortë pasi dy rrugë janë, Google të ketë një kundërpërgjigje të fortë ndaj AI dhe ta konkurrojë ose të pranojë “kapitullimin” e tij.
