BRITANI E MADHE – Mbretëria e Bashkuar ka ngrirë asetet e gjashtë shefave të burgjeve ruse, që janë në krye të kolonisë penale të Arktikut, ku vdiq lideri i opozitës Alexei Navalny.
Individëve të sanksionuar do t’u ndalohet gjithashtu të udhëtojnë në MB. Udhëheqësit perëndimorë kanë hedhur fajin për vdekjen e Navalnyt tek autoritetet ruse, përfshirë presidentin Putin.
“Ata që janë përgjegjës për trajtimin brutal të Navalny nuk duhet të kenë asnjë iluzion – ne do t’i mbajmë ata përgjegjës”, tha Sekretari i Jashtëm i Mbretërisë së Bashkuar Lord Cameron.
Qeveria britanike ka kërkuar gjithashtu që trupi i Navalnyt t’i jepet menjëherë familjes së tij dhe të bëhet një hetim i plotë dhe transparent.
Apeli nga MB i bën jehonë thirrjeve të ngjashme nga nëna e Navalnyt, e cila u filmua të martën jashtë kolonisë penale ku ai vdiq, duke thënë se ajo po përpiqej ta shihte për pesë ditë, por as nuk e dinte se ku ishte.
Duke shpallur sanksionet, Lord Cameron tha se ishte e qartë se autoritetet ruse e shihnin Navalny-n si një kërcënim dhe ata u përpoqën vazhdimisht ta mbyllnin çështjen në heshtje. “Askush nuk duhet të dyshojë në natyrën shtypëse të sistemit rus”, shtoi ai.
- Pse shqiptarët idealizojnë liderët e tyre? - 28/11/2025
- Fenomeni Albin Kurti - 23/11/2025
- Shorti i “play off”-it, Shqipëria rigjen Poloninë, Kosova përballë Sllovakisë - 20/11/2025