Ndërsa në Florida zhvillohen bisedimet mes SHBA-së dhe Ukrainës, presidenti Volodymyr Zelensky komunikoi me Sekretarin e Përgjithshëm të NATO-s, Mark Rutte, dhe Presidenten e Komisionit Europian, Ursula von der Leyen.
Zelensky theksoi se ditët e ardhshme do të jenë vendimtare dhe falënderoi NATO-n dhe BE-në për mbështetjen e pandërprerë ndaj rezistencës së Ukrainës përballë sulmeve ruse.
Në telefonatën që ai pati me sekretarin Rutte, ai u shpreh se shumë gjëra mund të ndryshojnë në ditët që vijnë dhe se bashkëpunimi i ngushtë me Aleancën do të rezultojë jashtëzakonisht efektiv.
Gjithashtu Zelensky njoftoi se ka biseduar edhe me presidenten e KE-së, Ursula von der Leyen, duke e falënderuar për mbështetjen e qëndrueshme.
“Ursula i kushton vëmendje të posaçme forcimit të qëndrueshmërisë sonë ndaj sulmeve të vazhdueshme ruse kundër infrastrukturës dhe sistemit tonë energjetik,” ka shkruar në platformën X.
- Apel i 114 laureatëve të Çmimit Nobel për ekzekutimet e fundit në Iran - 07/02/2026
- Xhudistja Distria Krasniqi triumfon në Paris, fiton medaljen e artë në “Grand Slam” - 07/02/2026
- Nga India, Filipinet, Egjipti e deri Mianmar/ ‘Bum’ aplikimesh nga vendet aziatike për leje qëndrimi në Shqipëri - 07/02/2026