Udhëheqësi Suprem i Iranit, Ajatollah Ali Khamenei, ka ndërmarrë hapa për t’u përgatitur për mundësinë e eliminimit të tij mes kërcënimeve në rritje nga Izraeli dhe Shtetet e Bashkuara, sipas një raporti të së dielës nga The New York Times.
Khamenei emëroi aleatin e tij të ngushtë, Ali Larijani, si udhëheqës de facto të vendit gjatë kulmit të protestave antiqeveritare në janar, theksoi raporti i NYT, në një veprim që mund të pasqyrojë presionin në rritje ushtarak ndaj Teheranit dhe pritjet e Khameneit se ai mund të jetë shënjestër e sulmeve të ardhshme izraelite ose amerikane.
Raporti vjen pas raportimeve të mëparshme gjatë kësaj jave se SHBA-të mund të sulmojnë Iranin.
Edhe pse Larijani nuk është i kualifikuar për të pasuar Khamenein si udhëheqës suprem sepse nuk është një klerik i lartë shiit, një kualifikim themelor për këtë rol, ai është bërë një figurë kyçe e kohës së luftës.
“Udhëheqësi suprem i beson plotësisht Larijani-t. Ai beson se Larijani është njeriu i duhur për këtë moment të ndjeshëm për shkak të karrierës së tij politike, mendjes së mprehtë dhe njohurive. Ai mbështetet tek ai për raportet mbi situatën dhe këshillat pragmatike. Roli i Larijani-t do të jetë shumë i theksuar gjatë luftës”, tha analisti konservator Nasser Imani për NYT.
- “Kemi ndërprerë marrëdhëniet diplomatike me Iranin”/ Takimi i ministrit Hoxha me homologun izraelit, Sa’ar: Rama, një nga liderët më të jashtëzakonshëm në botë - 12/10/2026
- CBS zgjeron më tej skandalin LaCivita: Vajza e shefes së kabinetit të Trump, drejton dhe kompaninë e lobimit të paguar nga Dodik! - 12/10/2026
- Raporti i BBC: Si u zhdukën nga bilancet e Abramoviçit jahtet, vilat dhe avionët privatë me vlerë 672 milionë dollarë! Dyshime për… - 12/10/2026