Aktori Florjan Binaj do të përballet me Ogerta Manastirliun për Bashkinë e Tiranës ndërsa në studiot televizive çdo mbrëmje ka diskutime dhe komente për kandidatët që garojnë.
Në studion e emisionit “Opinion” teksa flitej për garën bashkiake të kryeqytetit, një mesazh “protestues” erdhi në telefonin e Blendi Fevziut.
Sipas Fevziut, botuesi Nikoll Lesi “protestoi” përmes një SMS-je ndaj drejtuesit të “Opinion” duke thënë se ai ka qenë kandidati i parë i pavarur në Shqipëri në vitin 1997, jo Florian Binaj. Lesi theksoi se ka pasur mbështetjen e opozitarëve.
“Unë jam kandidati i parë i pavarur në Shqipëri. Në vitin 1997 ka kandiduar dhe kam pasur mbështetjen opozitare”-tha Nikoll Lesi.
Por në gazetën e tij, Lesi më pas ka bërë një sqarim.
“Për korrektesë për lexuesin dhe publikun më duhet të sqaroj se në emisionin “Opinion” të Blendi Fevziut në televizionin e Aleksandër Frangajt, TV KLAN, me paskan cituar live se gjoja kam nis një sms drejtuesit të emisionit, i cili e ka lexuar si sms timen!
Unë as nuk kam nisur sms Fevziut, as po e ndiqja emisionin. Për etikë drejtuesi i emisionit duhej të merrte, nëse duhej, prononcimin tim, pasi ai e ka numrin tim të cel. Por jo të thoshte live se “se me ka nisur protestë me sms Nikoll Lesi….”!
E bëj këtë sqarim sepse kam shumë telefonata dhe sms për këtë gjoja “protestën” timen te Fevziu, ndonëse siç me thonë, nuk ka patur konotacion negativ, por gjithsesi i detyruar po bëj sqarimin tim, pavarësisht se Fevziun e kam patur analist dhe bashkëpunëtor të mirë në gazetën “KOHA JONE”, dikur; pa harruar se asokohe e pata emëruar kryeredaktor të revistës AKS, filial i KOHA JONE, ndërkohë që A. Frangaj ishte drejtor i revistës KLAN”.
- Djali i Michael Schumacher ndan mesazhin prekës: Do të hiqja dorë nga gjithçka, vetëm për të folur me babanë tim! - 28/10/2026
- Skandal dhe akuza për vjedhjen e fondeve të mbledhura në emër të protestës për të rrëzuar Qeverinë! Zhduken qindra mijëra euro nga një rrjet mashtruesish - 28/10/2026
- Nxitën dhunën në protestë, Antiterrori procedon edhe Gent Prognin, kërcënoi policët! Ja emrat e tjerë nën hetim, hapën edhe llogari me “GoFundMe” - 28/10/2026