Kryetari i Lëvizjes Vetëvendosje, Albin Kurti, e cilësoi si “sulm brendainstitucional” kundër Kosovës dhe zgjedhjeve demokratike mosvotimin e raportit të Komisionit për verifikimin e mandateve dhe kuorumit në Parlamentin e Kosovës.
“Kjo është situatë e paparë në shtetin tonë e shumë më gjerë. Ne qeverisim mbarë e mirë, këta lanë nam e bëjnë lajm të keq për shtetin tonë. Se janë kundër qeverisë e Republikës dihet, por se janë edhe kundër vetvetes, këtë e mësuam sot”, shkroi Kurti në Facebook.
Deputetët e partive opozitare, PDK, LDK dhe AAK, votuan kundër raportit, ndërkohë Lista Serbe abstenoi.
Përfaqësuesit e opozitës vunë në dyshim dorëheqjen e Kurtit nga posti i kryeministrit dhe anëtarëve të tjerë të Qeverisë që janë zgjedhur deputetë në zgjedhjet e 9 shkurtit.
- Trump shenja tërheqje nga tarifat e larta me Kinën: Jam optimist se mund të arrijmë një marrëveshje - 18/04/2025
- Ministri i Jashtëm iranian skeptik ndaj qëllimeve të SHBA-ve për programin bërthamor, kërkon mbështetjen e Rusisë! - 18/04/2025
- E premtja e zezë/ Besimtarët ortodoksë dhe katolikë përkujtuan kryqëzimin e Krishtit - 18/04/2025