Kryeministri Edi Rama do të jetë i pari nga liderët ballkanikë që do të pritet në orën 17:00 nga shefi i ri i Këshillit Europian, Antonio Costa. Kosova përfaqësohet nga presidentja Vjosa Osmani dhe kryeministri Albin Kurti. Në mbrëmje liderët e rajonit do të jenë së bashku në një darkë informale me krerët e rinj të BE-së.
Ky takim vjen para zhvillimit të samitit mes shteteve të BE-së dhe atyre të rajonit që mbahet më 18 Dhjetor në kryeqytetin belg. Pasardhësi i Charles Michel synon përshpejtimin e procesit të integrimit europian të rajonit tonë.
Samitet mes BE-së dhe Ballkanit Perëndimor tashmë janë bërë të rregullta dhe zhvillohen së paku një herë në vit. Këtë traditë pritet ta ruajë edhe presidenti i ri i Këshillit Europian. Po ashtu me liderët e rajonit do të prezantohen edhe shefja e re e diplomacisë europiane Maja Kallas, si dhe ajo për Zgjerimin, Marta Kos.
- “Nuk do ua lëshojmë kurrë tokën”/ Vijon përplasja e banorëve të Rrjollit me policinë: E kemi me letra pronën - 06/02/2026
- Qeveria miraton Amnistinë Penale, 447 persona lirohen menjëherë nga burgu, ulet dënimi për 853 të dënuar - 06/02/2026
- Mesazhi i SPAK-ut në rrjetet sociale: Veprojmë të pavarur dhe hetojmë vetëm mbi bazën e provave - 06/02/2026