Ditën e sotme, vendi ynë do të vijojë të jetë nën ndikimin e kushteve atmosferike të paqëndrueshme për shkak të masave ajrore të lagështa dhe të ftohta me origjinë veriore.
Moti parashikohet i vranët dhe reshje shiu të herëpashershme me intensitet të ulët dhe mesatar në formën e shtrëngatave. Në zonën e jugut në periudha afatshkurtra reshjet me intensitet deri dhe të lartë në formën e rrebesheve shoqëruar me shkarkesa elektrike.
Në zonën e Alpeve dhe verilindje në lartësitë mbi 700-800 metër reshje dëbore me intensitet të ulët deri mesatar ndërsa në zonën e juglindjes reshje të dobëta dëbore me intensitet të ulët në lartësitë mbi 1000 metër.
Era do të fryjë me drejtim verilindje – juglindje me shpejtësi mesatare 2-8 m/sek, ndërsa përgjatë vijës bregdetare dhe lugina me shpejtësi deri në 16 m/s shoqëruar me dallgëzim në dete të forcës 2-4 ballë.
Temperaturat parashikohen:
në zonat malore 2 deri 8°C
në zonat e ulëta 6 deri 15°C
në zonat bregdetare 11 deri 15°C
- Nga e pamundura në nevojë, si u arrit rikthimi i Zhoze Murinjos te Reali! Portugezi do të firmos deri në vitin… - 16/05/2026
- Një shkrim për veprën e Koço Kosta dhe një shpjegim për lexuesit: PËRSE? - 16/05/2026
- Deklarata thumbuese e Merz: Nuk do këshilloja fëmijët e mi të shkojnë në SHBA - 16/05/2026