Sekretari i Përgjithshëm i PD-së, Flamur Noka e ka konsideruar lirimin e Berishës si pasojë e zhvillime politike në vend por edhe në SHBA. Noka tha se me fitoren e Dondal Trump si president i SHBA-së, solli edhe “prerjen e metastazave” të Sorosit në Shqipëri.
Gjithashtu një tjetër arsye e lirimit të tij është edhe aksioni i opozitës për mosbindje civile.
“Lirimi i Berishës erdhi si pasojë e zhvillimeve të vrullshme politike. E para ishte fitorja e Trump që preu metastazat e Sorosit edhe në Shqipëri. E dyta janë rezolutat mbështetëse të partnerëve që i bënë PD, ai PPE dhe CDI-së, që flasin për një shtet të kapur nga krimi dhe korrupsionit dhe kur opozitës i janë mbyllur hapësirat. Faktori i tretë është rezistenca dhe qëndresa e demokratëve dhe opozitarëve, është mosbindja civile, të gjitha këto bënë që e vërteta të triumfojë”, tha Noka.
Më 27 nëntor Gjykata e Posaçme kundër Krimit të Organizuar dhe Korrupsionit vendosi të hiqte çdo masë sigurie ndaj Berishës, i cili prej gati 1 viti ndodhej në “arrest shtëpie” për shkak të dosjes së privatizimit të ish-kompleksit Partizani.
- Çfarë thuhet në njoftimin e plotë të Gjykatës Kushtetuese për vendimmarrjen e çështjes Balluku - 06/02/2026
- Vendimi 4-4 në Kushtetuese për Ballukun, cilët gjyqtarë votuan pro dhe kundër - 06/02/2026
- Kushtetuesja nuk merr dot vendim për padinë e Ramës, ngelet në fuqi pezullimi i Ballukut nga detyra - 06/02/2026