Një modele ka treguar se ëndrrat e saj për t’u bërë nënë janë shkatërruar për shkak të shumë injeksioneve “filler.”
E reja Jennifer Pamplona, 31 vjeç, njihet për stilin e jetës së saj të varur nga operacionet, duke shpenzuar më shumë se 1 milion dollarë, për t’u dukur si idhulli i saj Kim Kardashian.
Tani ajo ka marrë lajmin e trishte se ka pak shanse për të mbetur shtatzënë për shkak të komplikimeve nga mbushjet e vitheve.
“Gjithmonë kam ëndërruar të bëhem nënë”, tha Jennifer, e cila ka mbi një milion ndjekës në Instagram.
“Që në moshë të re, e imagjinoja momentin që do të kisha fëmijët e mi dhe do të krijoja një familje. Tani e shoh që po shkatërrohem nga diçka që mendoja se ishte një zgjidhje për të përmirësuar pamjen time. Vuajtja është e madhe dhe dhimbja e të paaftës për të krijuar jetë është diçka që nuk e imagjinoja kurrë të përballesha”, u shpreh modelja.
Jennifer filloi t’i nënshtrohej operacioneve plastike në moshën 17-vjeçare dhe që atëherë ka bërë më shumë se 30 procedura në të gjithë trupin dhe fytyrën e saj. Ajo vendosi të ndalojë vetëm pasi u diagnostikua me dismorfi trupore në vitin 2022.
- Projekti në Sazan, Ibrahimaj: Po negociojmë me kompaninë për përqindjen që do të ketë shteti shqiptar - 29/06/2026
- Sulmuesi në dyshim për sfidën ndaj Suedisë, Franca pa një prej “snajperëve” në ndeshjen vendimtare - 29/06/2026
- Analiza/ Albatros Rexhaj: Këta nuk duan reformë, këta duan pushtet - 29/06/2026