Fotoja që është bërë publike në takimin e 40 lidervë të Evropës që u mblodhën në Pragë I thotë të gjitha. Të buzëqeshur dhe shtrëngime duarsh por afër presidentit Erdogan askush nuk dëshiron të ulet.
Liderët e Kontinentit të Vjetër u mblodhën në Pragë për takimin inaugurues të Komunitetit Politik Evropian, ndërsa shiheshin të buzëqeshur dhe duke shtrënguar duart.
Polemika për krizën energjetike ishte e pranishme pavarësisht optimizmit të rremë që tentohej të shfaqej nga liderët.
Samiti mblodhi së bashku mbi 40 liderë evropianë dhe synon të tregojë solidaritet përballë luftës së Rusisë në Ukrainë.
Darka e së enjtes shihet se një mundësi për të paraqitur idetë dhe mënyrat e tyre të punës për çështjet që i shqetësojnë të gjithë.
Ndërkohë janë planifikuar disa takime dypalëshe, trepalëshe dhe katërpalëshe, veçanërisht në përpjekje për të zbutur mosmarrëveshjet mes disa prej pjesëmarrësve.
Por ajo që është vënë re është një distancë mes Mitsotakis dhe Erdogan.
Përsa i përket interesit grek, kryeministri Kyriakos Mitsotakis nuk u takua me presidentin turk Rexhep Tajip Erdogan.
Karakteristikë e klimës së “ngrirë” është se edhe në foton familjare të Sinodit informal të Pragës, distanca mes tyre ishte e madhe.
Dy liderët nuk kanë shkëmbyer as një shikim, ndonëse në një moment presidenti turk ka kaluar para kryeministrit greke.
Times në një artikull të saj shkruan: Kush dëshiron të ulet pranë Erdoganit në darkën e Pragës? Askush…
Prania e Erdoganit është e rëndësishme në kuadrin e luftës në Ukrainë, por është jashtëzakonisht e vështirë, veçanërisht pas komenteve të tij këtë verë se Turqia mund të “vijë befas brenda natës” për të kapur ishujt e Egjeut nga Greqia.
Turqia ka paraqitur një protestë zyrtare me Suedinë për një shfaqje televizive satirike që vinte në lojë Erdoganin, duke u kujtuar suedezëve se ai mund të vërë veton ndaj kërkesës së tyre për t’u anëtarësuar në NATO.
