Kisha shumë vite që kisha vdekur
Erdhën plot njerëz dhe në varrim
Sa fjalë të bukura që kishin gjetur
I kishin shkruar mbi varrin tim…
***
Sa turp më vinte, sa më peshonte
Rrasa e varrit me ato fjalë
Ndonëse parajsa nuk më pranonte
Ndoshta dhe shpirti s’më kishte dalë…
***
Sa isha gjallë më ndenjën ftohtë
Nuk e kuptoja çfarë kisha bërë
Doja nga njerëzit një fjalë të ngrohtë
Vetëm më iku, jeta e tërë…
***
Tani që s’jam, mos u frikësoni!
Se larg prej jush vendin e gjeta
Rri kuvendoj me Perëndinë
Ai s’paska frikë nga e vërteta!
Agim Doçi
Latest posts by Pena Albania (see all)
- Begaj vizitë në Moldavi, pritet me ceremoni shtetërore - 19/01/2026
- Kryeministrja daneze: Evropa refuzon shantazhin e Trump për Groenlandën - 19/01/2026
- Fitoi Shqipëria nga ftesa e Trump? - 19/01/2026