Xhaxhai i Aleks Nikës, Mark Nika, ka kërkuar drejtësi për vrasjen e nipit të tij në 21 janar të vitit 2011, në protestën e opozitës.
Nga ceremonia që po mbahet në Kryeministri, Nika tha për mediat se topi tashmë është lënë te drejtësia shqiptare.
Ai falenderoi Gjykatën e Strasburgut, që sipas tij, ktheu shpresën se do të ketë drejtësi dhe fajtorët do të dënohen.
“Në emër të familjes Nika i shpreh falënderimet më të thella Strasburgut, që na ktheu shpresën se do ketë drejtësi dhe fajtorët do dënohen. Vrasja e Aleksit dhe 3 të tjerëve ndoshi para kamerave.
Ata ishin protestues paqësor, u vranë kur protesta po shpërndahej, larg hyrjes së Kryeministrisë. Asgjë tjetër veç një urdhri nga lart mund të çonte në hapjen e zjarrit ndaj qytetarëve në ato kushte.
Këto 13 vite kanë qenë 13 vitet e manipulimit të drejtësisë, Berisha u dha kohë të prishin provat. Nga ky vit kemi shpresë e besim se 21 janari do të flasë me gjuhën e ligjit dhe drejtësisë. Vendimi i Strasburgut nuk është rekomandues, por i detyrueshëm për tu zbatuar. Topi është në fushën e drejtësisë së re shqiptare”, tha Nika.
- FËMIJËT E SHKOLLAVE TË PERIFERISË SË TIRANËS SHIJOJNË SHFAQJET TEATRORE TË TEATRIT SHËTITËS “ÇAJUPI” - 29/04/2026
- Nis seanca për presidentin në Kuvendin e Kosovës, opozita refuzon pjesëmarrjen: Spektakël politik! - 27/04/2026
- “Nuk mund të bësh drama”, Rama i përgjigjet Spiropalit: Ose me ne ose kundra nesh! - 27/04/2026