Presidenti Aleksandër Vuçiç ka reaguar pas marrëveshjes së arritur mes Serbisë dhe Rusisë që ngjalli reagime të shumta në Bruksel. Lideri serb tha se vendit të tij po i bëhet presion. Sipas tij, një dokument burokratik, pa asnjë peshë të rëndësishme” u përdor në media për të sulmuar Serbinë.
Vuçiq nuk specifikoi se për cilin dokument po fliste, por deklaratat e tij vijnë disa ditë pasi Bashkimi Evropian kritikoi Serbinë për nënshkrimin e një marrëveshjeje në fushën e politikës së jashtme me Federatën Ruse.
Më 23 shtator, ministrat e Punëve të Jashtme të Rusisë dhe Serbisë, Sergei Lavrov dhe Nikolla Sellakoviç, nënshkruan Planin e Konsultimeve të Ministrive të Jashtme të të dyja shteteve për dy vjetët e ardhshëm.
Plani konsultativ 2023-2024 i Serbisë dhe Rusisë u nënshkrua në Nju Jork në margjinat e sesionit të 77-të të Asamblesë së Përgjithshme të Kombeve të Bashkuara.
Ky është dokumenti i parë diplomatik që Serbia dhe Rusia kanë nënshkruar që nga 24 shkurti, kur Moska nisi pushtimin e Ukrainës. Përmbajtja e Planit të Konsultimeve nuk është bërë publike.
- NË VEND TË NJË KARTOLINE/ Zhuliana Jorganxhi, sot 80 vjeç poetja që i dha zë shpirti dashurisë dhe këngës shqiptare - 14/08/2026
- Zhak Attali: Franca po digjet—dhe jo vetëm pyjet e saj: Një paralajmërim i fundit - 14/08/2026
- Kurti u bën thirrje partive për takim: Të diskutojmë emrat për presidentin - 14/08/2026