Kryediplomati i Izraelit, Eli Cohen, do të zhvillojë një vizitë zyrtare në Shqipëri gjatë muajit shtator.
Kështu është bërë me dije nga vete Ministria e Punëve të Jashtme të Izraelit, duke zyrtarizuar si vizitën e Cohen në Bahrain, ashtu edhe atë në Shqipëri.
Kjo vjen ndërkaq në një kohë të raporteve të larta historike mes dy vendeve, mbi të gjitha me gatishmërinë që Izraeli ka shprehur për të ndihmuar Shqipërinë sa i takon sulmeve kibernetike nga Irani.
Në qershor, ishte kryeministri shqiptar, Edi Rama, ai i cili përmes një postimi në median sociale, Facebook, ka bërë me dije se ka pasur një vizitë në kompaninë, CheckPoint, lider botëror në Sigurinë Kibernetike.
Aty Rama ka takuar themeluesin e kompanisë, Gil Shwed, për të cilin thotë se është “legjenda e teknologjisë së lartë në Izrael”.
Ndërkaq kur Shqipëria u sulmua nga Irani, e përditshmja “Times of Israel” shkroi se Rama ka shprehur interes të veçantë për qasjen e Izraelit ndaj sigurisë kibernetike, veçanërisht në lidhje me infrastrukturën kritike kombëtare.
Skuadra profesionale në të dyja vendet do të mbajnë një sërë videokonferencash për të pasqyruar se si do të bashkëpunojnë në sigurinë kibernetike.
Në vazhdën kibernetike të sulmeve dhe mësymjeve të identifikuara nën grupimin e hakerëve “Homeland Justice”, Shqipëria gjendet në tutelën e Izraelit dhe autoriteteve amerikane.
Ushtria amerikane dërgoi një ekip operatorësh kibernetikë në Shqipëri vitin e kaluar për të ndihmuar në mbrojtjen e rrjeteve qeveritare pas një sulmi të dyfishtë dixhital për të cilat u fajësuan Irani.
Forca e Misionit Kombëtar Kibernetik (CNMF) vendosi një ekip prej dy duzina personeli në një operacion “hunt forward” pas hakerimit të dytë, i cili u zhvillua në shtator dhe u kthye përpara fundit të vitit 2022.
Misioni tre mujor ishte pjesë e një përpjekjeje tashmë shumëvjeçare nga CNMF-ja, një njësi e Komandës Kibernetike të SHBA-ve, për të punuar me qeveritë e huaja që duan ndihmë për të mbështetur sistemet e tyre.
Që nga viti 2018, ekipet janë vendosur 44 herë në 22 vende dhe kanë kryer operacione në afro 70 rrjete anembanë globit, veçanërisht në Ukrainë, muaj para pushtimit të Rusisë.
- Cili do ta fitojë i pari luftën, Bordi i Paqes apo Bordi i Transparencës?! - 31/03/2026
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026