Ng Irena Beqiraj
“Komisioni Evropian ka informuar qeverinë shqiptare se ka marrë masa paraprake bazuar në informacionin fillestar të dhënë nga Zyra Evropiane Kundër Mashtrimit [OLAF], pas një hetimi mbi akuzat për korrupsion në lidhje me zbatimin e programit IPARD II. Si masë parandaluese për mbrojtjen e interesave financiare të Bashkimit Europian, Komisioni Europian ka ndërprerë përkohësisht rimbursimet ndaj autoriteteve shqiptare për shpenzimet e kryera në kuadër të programit IPARD II.
Komisioni Evropian nuk mund të komentojë mbi asnjë gjetje të mundshme të OLAF-it për zbatimin e programit IPARD II (2014-2020) në Shqipëri. Hetimi i OLAF-it vazhdon. Kur OLAF të dorëzojë raportin përfundimtar, Komisioni Evropian do të informojë autoritetet shqiptare dhe, bazuar në gjetjet e raportit, do të marrë çdo masë të mëtejshme të nevojshme për të mbrojtur interesat financiare të Bashkimit Evropian.”
Wow! Kjo është deklarata e delegacionit të BE-së!
Më kujtohet që prej 2014 -2017, AZHBR e cila menaxhonte fondet IPARD e drejtonte znj. Suela Tavo e cila në 2018 katapultohet dhe emërohet Anëtare e Bordit të Bankës së Shqipërisë, e zgjedhur nga mazhoranca e Partisë Socialiste. Nga 2017 – 2020 AZHBR-në e drejtonte znj. Frida Krifca e cila më pas u bë Ministre e Buqësisë!
Mjafton kjo deklaratë dhe trajektorja e karrierës vetëm në ngjitje e zonjave që akuzohen nga BE për korrupsion edhe kupton standardin e pashkruar por të gjithëpranuar të sistemit të karrierës në shtetin e fortë që kemi ngritur!
I thjeshtë, i qartë, transparent si xham i sapo larë në tretësirë amonjaku.
“Mjafton të dini të hani mollë e dardha nga bahçja e buxhetit apo çdo bahçe tjetër dhe bëhesh Anëtare Bordi, Ministër, Kyetar Bashkie pse jo edhe zv/Kryeministër !
E pra e thënë shkurt, ky stan këtë bulmet ka!
Por përgjegjësia mbetet personale!
Pra fajin e ka bulmeti!
- Cili do ta fitojë i pari luftën, Bordi i Paqes apo Bordi i Transparencës?! - 31/03/2026
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026