Roland Bejko me demokratët e Astirit: Strategjia e Sali Berishës është forcimi i Ilir Metës dhe dëmtimi i Partisë Demokratike, jo fitorja në zgjedhje.
“Pak orë na ndajnë nga fillimi zyrtar i fushatës, dhe demokratët në të gjithë Tiranën janë gati për një fushatë model dhe fituese”, – theksoi Roland Bejko, kandidati për kryetar bashkie i Partisë Demokratike për Tiranën, në takimin e radhës që zhvilloi me demokratët në Astir.
Në takim, Bejko theksoi se, “PD në këto zgjedhje është e vetmja alternativë, ndërsa partitë e tjera janë 5 logo të majta. Qëndresa, sakrifica, puna dhe organizimi janë cilësitë kryesore që ne kemi për të fituar kundër Erjon Veliajt, kundërshtarit tonë dhe oligarkisë politiko-ekonomike”.
“Zona e Astirit duket qartazi, që është konceptuar si një lagje periferike provinciale e Tiranës ku mungon gjithçka, përkatësisht kopshtet, shkollat, rrugët e përshtatshme dhe prindërit kalojnë orë të tëra në trafik me fëmijët e tyre”, nënvizoi Roland Bejko.
“Me vëllezërit dhe motrat demokratë në Astir, ramë dakord që situata e rëndë kërkon mobilizim, prandaj ne do të punojmë brenda nesh për të mobilizuar jo vetëm të djathtët kudo ku janë, por edhe qytetarët që janë elektorati gri për të vendosur për bashkinë dhe këshillin bashkiak. Ajo që të gjithë ramë dakord është fakti, që strategjia e Sali Berishës është forcimi i Ilir Metës dhe dëmtimi i Partisë Demokratike, jo fitorja në zgjedhje”, u shpreh Roland Bejko nga zonat e Astirit, me demokratët e kryeqytetit.
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026
- Raporti Rama-Meloni, politikani italian: Është një raport motër-vëlla, mes Italisë dhe Shqipërisë - 17/03/2026