Ish fusha e mbetjeve në bashkinë e Maliqit është duke u rehabilituar për tu kthyer në një vendqëndrim të gjelbër e çodhës për të gjithë banorët.
Aktualisht janë bërë mbjelljet e pemëve e shumë shpejt do të vendosen stola dhe ndriçim për ta kthyer në një vend ku banorët e Maliqit të kalojnë kohën e tyre të lirë.
Këtë e ka bërë të ditur kryetarja e Këshillit të Qarkut Korçë Ana Verushi, e cila është shprehur se ky investim është pjesë e projektit IPA CBC Shqipëri-Greqi, me një fond prej 200 mijë eurosh, i cili është duke u zbatuar edhe në ish fushën e mbetjeve në Bashkinë e Kolonjës.
Pas vënies në funksion të Landfillit të Maliqit bashkitë e Qarkut të Korçës i depozitojnë aty mbetjet e tyre, duke bërë kështu që vendgrumbullimet e dikurshme të mbetjeve të dalin jashtë funksionit.
Për këtë arsye ka qënë i nevojshëm rehabilitimi i tyre për të mos u kthyer në një shqetësim për banorët e zonave përreth, e mbi të gjitha për të shtuar sipërfaqet e gjelbra në bashkitë e qarkut juglindor e për të krijuar hapësira çlodhëse për banorët. Këto mjedise do të jenë në funksion rreth fillimit të muajit maj.
- Progres raporti i KE, Rama ndan deklaratën e Marta Kos: Do të bëjmë gjithçka për t’u ulur si të barabartë në tryezën e BE - 04/11/2025
- Sot, afati i fundit për dorëzimin e aplikimeve/ Zbardhen emrat e kandidatëve për postin e Avokatit të Popullit - 03/11/2025
- SPAK me komunikatë zyrtare, zbardhen akuzat për kreun e ARRSH dhe katër të tjerë - 03/11/2025