Me rastin e 110 vjetorit të krijimit të Policisë së Shtetit Shqiptar, Drejtoria Vendore e Policisë Korçë ka organizuar një ceremoni zyrtare, ku kanë qënë të ftuar përfaqësues të pushtetit qëndror e lokal, dhe të institucioneve të ndryshme vendore. Në fjalët e tij, drejtuesi i parë Gjovalin Loka, ka falenderuar efektivët e policisë dhe drejtues të instancave, për bashkëpunimin dhe punën e mirë të kryer mes tyre.
“Kjo ditë përfaqëson rrugëtimin 110-vjeçar të Policisë së Shtetit Shqiptar si dhe përpjekjet e vazhdueshme të të gjitha gjeneratave të kësaj organizate, për realizimin e misionit fisnik, atë të garantimit të jetës, pronës dhe shërbimin ndaj qytetarëve”, ka thënë ndër të tjera Drejtori Vendor i Policisë Korçë, Gjovalin Loka.
Në këtë ditë janë dhënë certifikata mirënjohjeje nga Drejtori i Përgjithshëm i Policisë së Shtetit Drejtues Madhor Muhamet Rrumbullaku, për disa prej punonjësve të Policisë Vendore Korçë, për shërbime të dalluara, për merita të veçanta profesionale, realizimin e përkushtimin e treguar në përmbushjen cilësore të detyrave në shërbim të Policisë së Shtetit.
- Demokrati Zohran Mamdani zgjidhet kryebashkiak i Nju Jorkut, i pari mysliman në histori - 05/11/2025
- Progres raporti i KE, Rama ndan deklaratën e Marta Kos: Do të bëjmë gjithçka për t’u ulur si të barabartë në tryezën e BE - 04/11/2025
- Sot, afati i fundit për dorëzimin e aplikimeve/ Zbardhen emrat e kandidatëve për postin e Avokatit të Popullit - 03/11/2025