Presidentii Shqipërisë, Bajram Begaj ka përshendetur mbledhjen e përbashkët të Kuvendit të Shqipërisë dhe Kosovës, në kuadër të 110-vjetorit të Pavarësisë së Shqipërisë.
Kreu i Shtetit shkruan se fryma dhe mesazhet vëllazërore të përcjella në këtë Kuvend të përbashkët, duhet të shtrihen në të gjitha fushat e bashkëpunimit ndërshtetëror.
“Përshëndes nga zemra seancën e përbashkët të Kuvendeve të Shqipërisë dhe Kosovës, zhvilluar sot në vigjilje të Ditës së Flamurit dhe 110-vjetorit të Ditës së Pavarësisë.
Fryma dhe mesazhet vëllazërore të përcjella në këtë Kuvend të përbashkët duhet të shtrihen në të gjitha fushat e bashkëpunimit ndërshtetëror. Vërtet jemi dy shtete, por mbi të gjitha jemi një Komb, një Komb i cili sot kremton i lirë Ditën e Flamurit dhe është Sovran dhe Zot i fateve të veta.
Urime të gjithë deputetëve të Kuvendeve të Shqipërisë e të Kosovës për kontributin që japin për forcimin e gjithanshëm të marrëdhënieve ndërshtetërore!”- shkroi Begaj.
- Kuvendi rrëzon me 82 vota kërkesën e SPAK për Ballukun! PD bllokon foltoren, por seanca mbyllet - 12/03/2026
- Mbahet edicioni i FemFest 2026 - 09/03/2026
- Banditë me kryq - 06/03/2026