Ministri i Shtetit për Çështjet Europiane dhe Mbrojtjen i Irlandës, Thomas Byrne, e ka cilësuar një moment të rëndësishëm për Shqipërinë dhe Bashkimin Europian mbylljen e një tjetër kapitulli në procesin e negociatave të anëtarësimit.
Në konferencën e përbashkët për shtyp me Komisioneren Europiane për Zgjerimin, Marta Kos, pas Konferencës së 10-të Ndërqeveritare Shqipëri–Bashkimi Europian, Byrne inkurajoi kryeministrin Edi Rama dhe Shqipërinë të vijojnë me të njëjtin ritëm, duke zbatuar rekomandimet e Komisionit Europian.
“Sot është një moment i rëndësishëm për Shqipërinë dhe BE-në. Sot Shqipëria ka mbyllur një kapitull tjetër dhe inkurajoj Ramën dhe Shqipërinë të vazhdojnë të ruajnë ritmin dhe vijimësinë e rekomandimeve të Komisionit. Duam të mbyllim kapituj të tjerë, sepse e ardhmja juaj qëndron dhe është në BE”, u shpreh Byrne.
Ministri irlandez nënvizoi kështu rëndësinë e vijimit të procesit të integrimit europian dhe përmbushjes së angazhimeve të Shqipërisë në rrugën drejt anëtarësimit në Bashkimin Europian.
- “Shqipëria kryeson progresin e integrimit”- Marta Kos: Ka ambicien të mbyllë kapitujt deri në fund të 2027-s! - 13/10/2026
- “E ardhmja juaj është në BE”- Konferenca e 10-të Ndërqeveritare me BE, ministri irlandez Byrne: Shqipëria të vijojë me ritmin e reformave! - 13/10/2026
- PIRRO, e vetmja shtëpi shqiptare e orologjisë dhe argjendarisë, sfidon kufijtë tradicionalë - 13/10/2026