Në kuadër të Reformës në Drejtësi, Kryeministri Edi Rama ka prezantuar projektndryshimet në Kodin e Procedurës Penale, duke vënë theksin te kufizimi i përdorimit të masës së arrestit me burg.
Rama tha se gjykatat duhet ta nisin vlerësimin nga liria dhe të shqyrtojnë fillimisht masat më të buta të sigurisë. Sipas tij, për veprat që parashikojnë dënim deri në 3 vite nuk do të caktohen masa shtrënguese, ndërsa për veprat me dënim nën 5 vite nuk do të ketë arrest me burg.
“Procedimi penal duhet të nisë nga zanafilla e lirisë, jo nga burgu si zanafillë.
Gjykata duhet të nisë nga liria, të shqyrtojë masat më të buta, të nisë nga arresti në shtëpi. Për veprat me dënim 3 vjet, nuk do caktohen masa shtrënguese. Nën 5 vjet s’do të ketë arrest me burg. Natyra e veprës nuk do mjaftojë më. Rreziku duhet të jetë konkret dhe aktual. Gjykata duhet të bëjë vlerësim të pavarur dhe nëse kopjon argumentet e prokurorit, vendimi bëhet i pavlefshëm. Sa herë caktohet arresti, gjykata duhet të caktojë gjendjen pasurore. Çdo muaj prokurori duhet t’i raportojë gjykatës nëse arsyet e masës ekzistojnë.
Paketa forcon edhe mbrojtjen e njerëzve me gjendje të cenueshme“, u shpreh Rama.
Sakaq kreu i qeverisë theksoi se “Paraburgimi që sipas Kushtetutës duhet të jetë masa e fundit në Shqipëri është qendra. Kjo paketë është përgjigje konkrete ndaj problemit real. Pakete vjen si arkitekturë e vetme e koherente“.
- Hetimet për Vlora Hysenin/ Çuçi paralajmëron një tjetër mbledhje të Këshillit të Sigurisë Kombëtare: Pasi të përfundojë auditimi në SHISH - 30/09/2026
- “Për veprat me dënim nën 5 vite nuk do të ketë më ‘arrest me burg’”, Rama: Procedimi penal duhet të nisë nga liria - 30/09/2026
- Kurti reagon pas miratimit të deklaratës së Kuvendit për dënimin e ish-krerëve të UÇK: Ky hap i parë është shprehje e vullnetit të popullit - 30/09/2026