Një grup prej 14 senatorësh amerikanë, nga radhët e të dyja partive kryesore, i kanë kërkuar presidentit Donald Trump të tërheqë ftesën për presidentin rus, Vladimir Putin në samitin e G20-s që do të mbahet në Miami.
Në një letër drejtuar Trumpit, senatorët argumentojnë se pjesëmarrja e Putinit në samit do t’i jepte legjitimitet luftës së Rusisë kundër Ukrainës.
Ata theksuan se Putin mban përgjegjësi për nisjen e pushtimit në shkallë të gjerë të Ukrainës dhe shprehën shqetësim për pjesëmarrjen e tij në një takim ndërkombëtar, ndërsa Rusia vazhdon sulmet ndaj civilëve ukrainas.
Sipas senatorëve, lejimi i Putinit të marrë pjesë në samit në këto rrethana ngre “shqetësime serioze”.
Letra u drejtua nga kryetari i Komitetit të Senatit për Shërbimet e Armatosura, Roger Wicker, republikan, dhe senatorja demokrate Jeanne Shaheen, anëtare e Komitetit të Senatit për Marrëdhëniet me Jashtë.
Dokumenti është nënshkruar nga senatorë republikanë dhe demokratë, duke e bërë këtë një qëndrim të përbashkët të të dyja partive në Senat.
- Presidenti Begaj pranon letrat kredenciale të ambasadorit të ri të SHBA në Tiranë, Eric Wendt/ Begaj pas takimit kokë më kokë me Wendt: Thellim i marrëdhënieve! - 26/09/2026
- Senatorët republikanë dhe demokratë i drejtohen Trump: Mos e fto Putin në Miami - 26/09/2026
- Shtëpia e Bardhë bllokon CNN të udhëtojë me Air Force One - 26/09/2026