Kosova nisi ceremonitë zyrtare për festimin e 18-vjetorit të pavarësisë me ngritjen e flamurit shtetëror në oborrin e godinës qeveritare në Prishtinë. Në këtë ceremoni ishin të pranishëm krerët më të lartë të shtetit duke nisur nga Presidentja Vjosa Osmani, kryeministri Albin Kurti dhe kryeparlamentarja Albulena Haxhiu.
Në mesazhin e saj kryetarja e shtetit theksoi se: “Shprehim respektin më të thellë për të gjithë që kontribuuan. Shprehim respektin më të thellë për rrugën dhe kontributin e presidentit tonë historik, atit themeltar dhe arkitektit të pavarësisë së Kosovës, Ibrahim Rugova, mbi sakrificën e familjes Jashari, në krye me komandantin Adem Jashari, për mijëra dëshmorë, heronj të UÇK-së, për të gjithë ata që dhanë jetën, dhanë mundin dhe bënë sakrificë në mënyrë që të gjithë së bashku t’i gëzohemi shtetit tonë. Natyrisht që është kjo sakrificë që ka trasuar rrugën tonë përpara, për forcimin e shtetit tonë drejt rrugës euroatlantike, në këtë familje ku ne gjithmonë e kemi pasur vendin”.
Ndërkaq kryeministri Albin Kurti në mesazhin e tij u shpreh:
“Sot festojmë, por njëkohësisht nderojmë edhe rezistencën paqësore dhe kryengritjet e armatosura, të cilat kulmuan me luftën e drejtë të Ushtrisë Çlirimtare të Kosovës”.
- “Nëse preferoni mund të…”/ Ç’ndodhi gjatë bisedimeve në Gjenevë mes ministrit Iranian, Kushner dhe Witkoff - 03/03/2026
- Mbledhja me Ramën, ambasadorja në Izrael tregon detaje: Na kërkoi planin e punës për… - 03/03/2026
- “Mos ka marrë fund PD dhe ti masturb** kot?!”/ Rakipi-Salianjit: Në PD janë Flamuri që imiton doktorin dhe Gazi me shokë që presin… - 03/03/2026