Kutitë e para të votimit të zgjedhjeve të zhvilluara këtë të diel për kreun e Bashkisë së Rrogozhinës, kanë mbërritur në KZAZ, ku pritet që të fillojë edhe numërimi i votave.
Sot morën pjesë më shumë qytetarë rrogozhinas në votime se më 14 maj.
Në orët e para të mëngjesit ka pasur incident me fotografimin e fletës së votimit, ku për këtë ka reaguar edhe Komisioni Qendror i Zgjedhjeve, ku u bë thirrje që persona të paautorizuar të qëndrojnë larg qendrave të votimit.
Sipas të dhënave të KQZ, deri në orën 18:00 ka pasur 1102 votues më shumë, krahasuar me pjesëmarrjen e përgjithshme më 14 maj në këtë bashki.
Qytetarët e Rrogozhinës iu drejtuan këtë të diel kutive të votimit që prej orës 07:00 të mëngjesit, për të rizgjedhur kryetarin e Bashkisë.
Pjesëmarrja është më e lartë se më 14 maj, ku totali i pjesëmarrjes në votime ishte 32,02%, ndërsa kjo shifër u tejkalua sot që në orën 14:00.
Sipas KQZ-së, deri në orën 18:00 totali i pjesëmarrjes ishte 35.50%.
Deri tani është shënuar vetëm një incident që ka të bëjë me fotografimin e votës nga një qytetar, ku është mbajtur një proces verbal. Si pasojë e temperaturave të larta, një operator ka humbur ndjenjat dhe është dërguar në spital.
Zgjedhjet në bashkinë e Rrogozhinës u vendos se do të ripërsëriten nga Komisioni Qendror i Zgjedhjeve, pasi rezultati i 14 Majit u shpall i pavlefshëm.
Shkak për përsëritjen e zgjedhjeve u bë kutia e burgut dhe diferenca mes dy kandidatëve ishte vetëm 21 vota, teksa të burgosur numëroheshin më shumë se 100. Ndryshe nga 14 maji, të burgosurit nuk u lejuan të votojnë për shkak të afateve kohore.
Kandidatët janë po të njëjtët, Edison Memollaj nga Partia Socialiste dhe Shkëlqim Hoxha nga koalicioni “Bashkë Fitojmë”.
- Cili do ta fitojë i pari luftën, Bordi i Paqes apo Bordi i Transparencës?! - 31/03/2026
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026