Dirigjenti i Operës së Kievit, Kostiantyn Starovytskyi, ka vdekur në vijën e frontit. Dirigjenti u vra në betejë duke mbrojtur vendin e tij nga pushtimi rus.
Starovytskyi lindi më 30 tetor 1982 në qytetin e Brovary dhe u diplomua në departamentin e orkestrës së Akademisë Kombëtare të Muzikës të Ukrainës. Ai vazhdoi të punojë me Operën e Kievit, ku vuri në skenë operën komike të Gaetano Donizetti-t “Rita” dhe mori katër nominime për çmimin e teatrit “Kyiv Pectoral 2016”.
Gjatë ditëve të para të pushtimit, dirigjenti shërbeu si pushkëtar i lartë në një njësi kompanie që mbronte qendrën territoriale të rrethit Brovary dhe më pas shërbeu në rajonin e Kharkiv.
Ai la pas vajzën e tij, Yeva, gruan e tij Snizhana dhe nënën e tij të moshuar.
Në një deklaratë, Orkestra Kombëtare Akademike e Tunxhit e Ukrainës tha në Facebook, “Sot orkestra pësoi një humbje të pariparueshme. Kolegu ynë Kostiantyn Starovytskyi u vra teksa na mbronte, duke mbrojtur të gjithë Ukrainën, në frontin e Kramatorskut”.
