Spanja u shpall kampione e Botës, për herë të dytë në histori dhe pas një pritje 16-vjeccare. Iberikët mposhtën 1-0 Argjentinën në finale, pas shtesave.
Në fund, festa ishte legjitime për spanjollët, që ngritën trofeun e kampionit në qiellin e Nju Xhersit.
Siç ishte paralajmëruar, trofeu u dorëzua nga presidenti i Shteteve të Bashkuara të Amerikës, Donald Trump.
Ky i fundit ia dha trofeun kapitenit Rodri dhe më pas festa ishte e gjitha për Spanjën. Lojtarët më pas festuan me trofeun në stadium, para se të bashkoheshin me familjarët e tyre, për fotot e rastit.
Mirëpo e gjithë vëmendja shkoi tek Trump, i cili nuk shkulej nga ekipi spanjoll teksa duhet t’i linte vetëm për fotografinë dhe për të festuar. Edhe pse dikush vrapoi drejt Trump duke i thënë të ikte që aty, duket se presidenti amerikan s’ka kuptuar asgjë!
- Spanja kthehet në shtëpi si kampione Bote, Mbreti Felipe: Një fitore epike - 20/07/2026
- Spanja feston titullin kampion bote, kombëtarja pritet nga Mbreti dhe kryeministri para festës madhështore në Madrid - 20/07/2026
- Botërori, Messi thyen heshtjen: Dhimbje e madhe që do të duhet shumë kohë për t’u shëruar. Urime Spanjës - 20/07/2026