32.5 C
Tirana
23 / 07 / 2024

Trajneri i Spanjës: Në futboll nuk ka mëshirë, por kemi respekt për Shqipërinë

Trajneri i Spanjës Luis de la Fuente dha një intervistë ekskluzive për Alban Xhihanin në një lidhje direkte për edicionin qendror të lajmeve në TV Klan.

Alban Xhihani: Në dy ndeshjet e para të Shqipërisë, cila është ajo që ju ka tërhequr më shumë vëmendjen?

Luis de la Fuente: Duke njohur mirë Shqipërinë, nuk është se jemi befasuar shumë. E dimë që është një skuadër që është rritur shumë, që ka shumë potencial dhe futbollistë shumë të mirë. Ka një trajner shumë të mirë dhe mund të jetë një surprizë e madhe në këtë kampionat europian.

Alban Xhihani: Ne kemi shënuar gol kundër Italisë shumë shpejt dhe ndaj Kroacisë në fund. Spanja nuk fal, por sipas jush, skuadra jonë është më e mirë në fillim apo në fund?

Luis de la Fuente: Mëshira në futboll nuk duhet të ekzistojë. Ne kemi respekt maksimal për Shqipërinë. Kam parë që potenciali i Shqipërisë mund të surprizojë çdo rival dhe e kam parë gjatë këtyre dy ndeshjeve. Duhet një përqendrim maksimal nga fillimi deri në fund. Nesër shpresoj të jetë një ndeshje e mirë dhe shpresojmë të fitojmë. Do të jetë një spektakël i vërtetë dhe një ndeshje e jashtëzakonshme për t’u parë.

Artikujt më të kërkuar

0
Would love your thoughts, please comment.x
()
x